ភ្នំពេញ៖ រូបភាពមួយសន្លឹកដែលបានផុសដោយសកម្មជនប្រឆាំងនៅបរទេសឈ្មោះ Chamroeurn Khmer បានបង្ហាញរូបភរិយាលោក កែម ឡី គឺអ្នកស្រី បូរ រចនា ថតជាមួយបុរសម្នាក់ក្នុងរថយន្តជាមួយទឹកមុខរីករាយ និងបានសរសេរថា៖ «នេះគឺរូបអតីតភរិយាលោក កែម ឡី ថតជាមួយអនាគតគ្រួសារក្រោយ។ ជូនពរ! (ខ្ញុំសុំមិនអត្ថាធិប្បាយអ្វីទេ បងប្អូនមើល ហើយយល់យ៉ាងណាស្រេចលើបងប្អូនចុះ) តែបើសួរថា ការពិតទេ? បាទ គឺជាការពិត» ។

បន្តពីក្រោមរូបដែលផុសនោះមានទាំងសារជូនពរ និងសារសោកស្ដាយ។ ការជូនពរនោះគឺពួកគេថាអ្នកស្រី បូ រចនា មានអ្នកថែរក្សាមានទីពឹងផ្អែក តែសារដែលសោកស្ដាយនោះគឺបានចោទប្រកាន់អ្នកស្រីថាបានយកប្ដីអ្នកដទៃកំពុងបំផ្លាញគ្រួសាររបស់អ្នកដទៃ។

ប្រភពពីសហគមន៍ខ្មែរនៅអូស្ត្រាលីបានបញ្ជាក់ប្រាប់ EAC News ថាជារឿងដែលមិនអាចទទួលយកបាននឹងបង្ហាញការហួសចិត្ត ខណៈបុរសដែលមានទំនាក់ទំនងជាមួយអ្នកស្រី បូ រចនា ជាបុរសដែលមានប្រពន្ធនិងមានកូន៤នាក់រួចទៅហើយ។ គាត់បានឱ្យដឹងថាភរិយាបុរសនោះមានទំនាក់ទំនងជិតស្និតជាមួយអ្នកស្រី បូ រចនា រហូតរាប់គ្នាជា «បងប្អូនធម៌» ថែមទៀតផង តែចុងក្រោយបានត្រឹមការឈឺចាប់។

នៅមិនទាន់មានការបកស្រាយយ៉ាងណាពីអ្នកស្រី បូ រចនា ខណៈដែលរឿងអាស្រូវយកប្ដីរបស់គេនេះត្រូវបានអ្នកគាំទ្រនៅប្រទេសអូស្ត្រាលីបង្ហាញការខកចិត្តជាខ្លាំង។

អាណិកជនខ្មែរនៅអូស្ត្រាលី អ្នកស្រី សុភី បានលើកឡើងប្រាប់ EAC News ថា៖ «គេគ្រប់គ្នាហួសចិត្ត! ពេលទើបមកដល់ខ្មែរយើងសឹងលើកទូល។ តែឥឡូវអស់ហើយ!»

លោកបណ្ឌិត កែម ឡី ត្រូវបានខ្មាន់កាំភ្លើងបាញ់សម្លាប់កាលពីថ្ងៃទី១០ ខែកក្កដា ឆ្នាំ២០១៦ ក្រោយការស្លាប់របស់លោកបណ្ឌិត កែម ឡី ភរិយារបស់លោកគឺអ្នកស្រី បូ រចនា ដែលកំពុងមានផ្ទៃពោះផងនោះជាមួយកូនប្រុស៤នាក់បានចាកចេញពីប្រទេសកម្ពុជាទៅប្រទេសថៃ មុននឹងត្រូវបានសិទ្ធិរស់នៅប្រទេសអូស្ត្រាលីនៅឆ្នាំ២០១៨។ គិតរហូតមកដល់ពេលនេះមានរយៈពេលជាង៣ឆ្នាំហើយដែលអ្នកស្រីនិងកូនទទួលបានសិទ្ធិជ្រកកោននៅទឹកដីនៃប្រទេសអូស្រ្តាលី៕